有一日同男朋友係尖沙咀行街，一講到食咩好，大家就有選擇困難症，唔係太多選擇，而係個樣又話食個，個間又成日去，無咩新意思。行到 iSqaure，上左幾層，經過一間裝修別樹一格既餐廳，望一望唔係食咩 fusion 菜，而係食正宗上海菜！
男朋友好肚餓，當然就又佢負責叫餸啦！
第一道：四小拼 (脆鱔、小排骨、烤麩、肴肉)
其實有多款前菜選擇，唔想諗既，一式四款既涼盤小食就解決問題！
脆鱔當然脆，怕有魚骨既人完全唔洗膽心，甜甜地好開胃。
小排骨既肉軟硬適中，甜中帶有酸咪咪的味道！
烤麩配有香菇及黑木耳，烤麩有鹹香，頗彈牙。
肴肉個人覺得同出面食開既無咩太大分別。
第二道：冰鎮醉黃油雞 (必食之選)
如果無食過冰鎮醉黃油雞真係唔好同人講你食個上海婆婆336！
從張相見到佢有一層好厚冰覆蓋成隻雞，夏天食一流！建議等冰稍溶先進食。
冰鎮醉黃油雞酒味充足(當然唔會醉)，肉質鮮嫩！
雖然醉雞部分有骨，但都有部分純肉，適合怕骨之人！
第三道：蒜泥白肉 (必食之選)
同出面既蒜泥白肉唔同既地方係佢中間包左青瓜！出面好多都只係有白肉，但加左青瓜後，大大提升整碟蒜泥白肉既爽口度，一小塊肉，一個小青瓜，簡直天作之合！
鐘意食蒜既人，一定會愛上！佢十分重蒜味，配少許辣味，十分醒胃！
第四道：杭椒皮蛋
這道菜既特別次處唔係皮蛋，係豆腐！你見到真係用刀薄切一層層，加上個汁酸酸辣，一口將皮蛋同豆腐配上個汁入口，好好味呀 ！
第五道：336 小籠包
籠內每粒小籠包都用左青瓜片墊底，完全唔會怕黏著張紙，而穿底漏出湯汁。當咬開小籠包既項部，一啜，鮮甜既湯汁即時入口。
加入微酸既醋，進食小籠包，肉味鮮甜，皮薄餡靚！
第六道：咸香蝦球（必食之選）
新鮮大海蝦配上鹹蛋黃醬炸至表面金黃，鹹香十足，十分香口。
建議一口鹹香蝦，之後配一口新鮮青瓜以中和鹹香味。
第七道：腿茸津白
食左咁多肉類，同濃味既食物，當然要食番清淡既菜啦！
腿茸津白配有一個奶味重既汁，十分爽甜。
第八道：金絲卷
男朋友好大食重話唔多飽，於是叫在金絲卷！
銀絲卷就聽得多，金絲卷就第一次聽！原來內有乾坤，包餡係奶黃色，整個包帶有稍甜奶黃味，當甜品都得！
雖然我地無叫到傳統上海菜既河蝦仁，魚籽煙燻蛋，松子黃魚等等，但我地所叫既食物，特別係咸香蝦球同冰鎮醉黃油雞十分好味！希望下次有機會再為大家帶來上海婆婆336其他菜色既食評啦！
上海婆婆336
尖沙咀彌敦道 63 號 iSQUARE 國際廣場 6/F 605-606 號舖
文：美食專員Martin
A university student who is interested in fashion and dinning, and loves to share his recipe to happiness to everyone
La Dolce Vita :)
沒有留言:
張貼留言